1481, Octubre 29. Barcelona.

Fernando II de Aragón, la orden dominicana y los nuevos inquisidores de la Corona de Aragón

El rey Fernando II de Aragón aprueba en todos sus términos la comisión que fray Salvo Cassetta, maestro general de la orden dominicana, en cumplimiento de la voluntad del papa Sixto IV, había otorgado el 18 septiembre de ese mismo año (se incluye tenor completo) para que fray Gaspar Jutglar, miembro del convento de frailes predicadores de Lleida, pudiera destituir y nombrar inquisidores en la provincia dominicana de Aragón (que incluía los territorios de Aragón, Cataluña, Valencia y Navarra), siempre atendiendo a las órdenes del monarca. A continuación, Fernando designa a dicho Gaspar Jutglar como inquisidor general de la Provincia de Aragón y, haciendo uso de su prerrogativa, le ordena destituir de manera inmediata a todos los inquisidores en ejercicio y nombrar a fray Joan Orts y fray Joan Cristòfol de Gualbes inquisidores delegados de la Provincia de Aragón, y a fray Guillem Caselles como inquisidor del reino e isla de Mallorca. El rey ordena finalmente a los oficiales regios y a cualesquiera personas laicas, eclesiásticas o religiosas, que acepten las disposiciones contenidas en ambos documentos y que no opongan obstáculo alguno a la actuación de dichos inquisidores, sino que les presten toda su ayuda, favor y consejo, recurriendo incluso a la fuerza si fuera necesario; y advierte de manera particular al provincial de la orden dominicana y a los inquisidores que van a ser destituidos para que se abstengan de cualquier intromisión.

– ACA, Real Cancillería, 3606, fols. 132v-133v.

Publ. Antonio DE LA TORRE Y DEL CERRO, ed., Documentos sobre relaciones internacionales de los Reyes Católicos, vol. I, Barcelona, CSIC, 1949, pp. 182-184.

[132v]

Ferdinandus, etc., religioso viro dilecto nobis plurimumque devoto fratri Gaspari Jutglar, sacre theologie professori conventus Illerdensis provincia Aragonie ordinis predicatorum, salutem et dileccionem. Quoniam his proxime preteritis diebus per venerabilem et religiosum nobisque devotum fratrem Salvum Casseta, generalem magistrum dicti vestri ordinis, ad deprimendam ereticam pravitatem fuit vobis concessa provisio seu commisio quedam huiusmodi seriey [sic]:
In Dei filio sibi carissimo ac venerabili patri, fratri Gaspari Jutglar, sacre theologie professori conventus Illerdensis provincie Aragonie ordinis predicatorum, frater Salvus Casseta de Panhormo, prefate facultatis profesor ac eiusdem ordinis humilis magister et servus, salutem et pacem in domino Iesus omnium Salvatore. Cupiens quod in provincia Aragonie instituantur et deputentur inquisitores heretice pravitatis secundum votum et beneplacitum serenissimi domini regis Ferdinandi, cuius regie magestiati in hoc et in omnibus aliis ad meam personam vel ad meum officium pertinentibus ex animo complacere ac servire desidero, concedo vobis presentium tenore licentiam ac liberam facultatem et potestatem ut ad omnem requisicionem et iussionem dicti serenissimi regis mei et vestri, auctoritate mea deponatis, destituatis, absolvatis ac instituatis et faciatis in tota provincia Aragonie inquisitorem et inquisitores prout voluerit et iusserit ipse serenissimus rex cui si licuisset hanc eadem auctoritatem libere commississem, sed cum hoc excedat limites potestatis mee et de vobis confidam quod ad nutum ipsius serenissimi regis omnia disponetis ideo meam plenariam auctoritatem super instituendis et destituendis ac absolvendis inquisitoribus in tota provincia Aragonie vobis totaliter harum tenore committo, ita tamen ut nichil in hac re faciatis nisi quod iusserit idem serenissimi dominus rex dumtaxat, quia sic etiam est intentio et mens sancti in Christo patris et domini nostri Sixti divina providencia pape quarti; precipiens omnibus inquisitoribus presentibus et futuris ac presidentibus magistris prioribus et fratribus universis cuiuscumque gradus, status vel condicionis existant tocius dicte provincie Aragonie, in virtute Spiritus Sancti et sancte obediencie, quatenus vobis tanquam commissario meo in predictis omnibus simpliciter obediant sicut mihi, nolens quod aliquis me inferior possit vos in premissis modo aliquo impedire, molestare vel perturbare in contrarium facientibus, non obstantibus quibuscumque; vobis autem impono hoc onus et hoc officium in meritum obediencie salutaris ut ad iussum et voluntatem serenissimi regis absolvatis et destituatis ac faciatis et instituatis inquisitores in dicta provincia Aragonie prout sua serenissima maiestas //


[133]

// libere vobis mandavit. Precipiens vobis, in virtute Spiritus Sancti et sancte obediencie ut tale onus et officium humiliter acceptis et sicut premittitur diligenter et sollicite exequamini secundum graciam a Domino vobis datam. In quorum ómnium fidem et testimonium, sigillum officii mei duxi presentibus apponendum. Bene valete et pro me Deum orate. Datum Rome die XVIII mensis septembris Anno Domini Mº CCCCLXXXIº.

Nos autem laudando, aprobando et acceptam habendo preinsertam provissionem harum serie; scienter, delliberate et expresse, comittimus vobis, dilecto Gaspari Jutglar, officium inquisitoris generalis in provincia Aragonie cum omnibus facultatibus per dictum magistrum generalem in dicta provisione vobis attributis et collatis. Ceterum quia in preinserta comissione per dictum magistrum generalem vobis expresse mandatum fuit quod in dicta provincia Aragonie faciatis et instituatis inquisitores ad predictas inquisitiones faciendas eas personas que per nos vobis ad eam rem fuerint presentate seu nominate, necnon deponatis et revocetis si nobis placuerit eos qui nunc dictum inquisitiones onus et officium exercent, prout in dicta comissione latius continetur; iccirco (sic) nos, premeditato prius sufficienter circa hec et eiis diligenter consideratis, vobis cum hac eadem serie voluntatem et intencionem nostram super iisdem (sic) apperimus et notificamus, que est, ut depositis et revocatis prius a dicto inquisitorum officio quibusvis personis ipsum officium in dicta provincia nunc quomodo licet optinentibus et regentibus et signanter magistro provinciali dicti ordinis in provincia ipsa vobisque ad dictum officium regendum et exercendum nominamus religiosos et dilectos nostros fratrem Joannem Orts et fratrem Joannem Christoforum de Gualbez, sacre theologie professores, ad inquirendum in dicta provincia Aragonie, et fratrem Guillermum Casselles ad inquirendum in regno et insula Maioricarum. Requirimus igitur et ortamur attente vos ut predictam inquisitorum revocacionem et disposicionem ilico faciatis et consequenter dictam officia inquisitionis prenominatis fratribus in modum et iuxta formam predictam et non alias neque alii nemini commictatis nec exerceri permictatis. Mandantes cum hac eadem serie, scienter, delliberate et expresse, quibusvis gerentibusvices nostri generalis gubernatoris et aliis universis et singulis officialibus nostris ubicumque dictionis nostris constitutis et constituendis quavis auctoritate, preheminencia aut iurisdictione fungentibus ac aliis quibusvis tam secularibus quam ecclesiasticis et religiosis personis, sub incursu nostre indignacionis et ire penaque florenorum Aragonum duorum milium et aliis penis nostro arbitrio reservatis, requirendos ex eis //


[133v]

// requirentes et ortantes, quatenus preinsertam magistralem nostramque huiusmodi provisiones et omnia et singula in eis contenta et per vos eorum vigore facienda et exequenda, teneant firmiter et observent tenerique et observari faciant pro quoscumque, necnon vos et dictos inquisitores per vos ut predicitur instituendos et alium neminem ipso inquisitoris officio uti sinant et nullum prestent seu prestari aut opponi permittant obtaculum seu impedimentum; quin potius vobis et eis asistant quociens requisiti fuerint auxilio, consilio et favore opportunis, etiam si opus fuerit manu forti. Inhibentes propterea et mandantes scienter et expresse predictis provinciali et aliis a dicto inquisitionis officio ut predicitur per vos de voluntate nostra deponendos et destituendos, ne a modo ipso inquisitionis officio uti audeant vel presumant aut eius exercicio ullatenus se inmiscenat, cavete igitur et caveant secus agere quoquomodo vos et alii religiosi et ecclesiastici, si predictam magistralem commissionem et provissionem observare et iram et indignacionem nostram non incurrere cupitis et alii officiales et districtuales nostri preappositam penam et alias nostro arbitrio ut predicitur reservatas cupiunt non subire. Data Barchinone XXVIIIIº die mensis octobris anno a nativitate Domini Mº CCCCLXXXI. Yo el rey. Dominus Rex mandavit mihi, Petro Camanyas.

[Transcripción J. M. Cruselles]


Bibliografía:

José Antonio ESCUDERO, “La introducción de la Inquisición en España”, en: Intolerancia e Inquisición, Madrid: Sociedad Estatal de Conmemoraciones Culturales (SECC), 2006, pp. 245-292 [reed. en: José Antonio ESCUDERO, Estudios sobre la Inquisición, Madrid: Marcial Pons – Colegio Universitario de Segovia, 2005, pp. 77-126].

José Mª CRUSELLES GÓMEZ, “Llegan los inquisidores. Los primeros momentos del tribunal valenciano del Santo Oficio”, en: Joan Roís de Corella i el seu món, Valencia: Institució Alfons el Magnànim, 2014, pp. 110-136. [Texto completo]

José A. SESMA MUÑOZ, Fernando II y la Inquisición. El establecimiento de los tribunales inquisitoriales en la Corona de Aragón (1479-1490), Madrid: Real Academia de la Historia, 2013, pp. 42-43 y 72